Польшча ўкараняе ШІ і робататэхніку на мяжы з Беларуссю

Рэдакцыя Reform.news · 2 кастрычніка 2026, 10:07

https://reform.news/be/polshcha-karanjae-shi-i-robatatjehniku-na-mjazhy-z-belarussju/

У Польшчы ў межах аперацыі «Бяспечнае Падляшша», якая рэалізуецца на мяжы з Беларуссю, тэстуецца сістэма «разумнай мяжы». Пра гэта паведамілі ў Аператыўным камандаванні Узброеных сіл Польшчы.

Аператыўную групу «Падляшша», якая разгорнутая для аказання дапамогі памежнікам, наведаў начальнік штаба Аператыўнага камандавання Яраслаў Хайнацкі. Яму былі прадэманстраваныя элементы праекта.

У яго межах выкарыстоўваецца штучны інтэлект для збору і аналізу даных з камер, беспілотнікаў і іншых датчыкаў.

«На выдзеленым участку ўсходняй мяжы працягласцю некалькі дзясяткаў кіламетраў тэстуюцца рашэнні, якія выкарыстоўваюць робататэхніку, аўтаномныя сістэмы і інструменты на базе ШІ», — гаворыцца ў паведамленні камандавання.

Праект адлюстроўвае шматдаменны характар сучасных аперацый, магчымасці розных інструментаў і інфармацыя з розных асяроддзяў аб’яднаныя ў адзіную сістэму, якая накіраваная на падтрымку дзеянняў польскіх салдат і афіцэраў.

«Разумная мяжа» — гэта наступны крок у пабудове сучаснай, інтэграванай і ўстойлівай сістэмы абароны дзяржаўнай мяжы, у якой штучны інтэлект і сучасныя тэхналогіі падтрымліваюць людзей, павышаючы іх магчымасці ў дынамічна зменлівай абстаноўцы бяспекі», — адзначылі ў камандаванні.