Скриншот видео aljazeera.com
Часовы кіруючы савет Ірана пастанавіў спыніць удары па суседніх дзяржавах, за выключэннем выпадкаў нападу на Іран з іх тэрыторыі. Пра гэта заявіў прэзідэнт краіны Масуд Пезешкіян, зварот якога публікуе Al Jazeera.
Пезешкіян таксама прынёс прабачэнні суседнім краінам, якія падвергліся ўдарам іранскіх узброеных сіл.
“Я павінен папрасіць прабачэння ад свайго імя перад суседнімі краінамі, якія падвергліся нападу з боку Ірана з-за жорсткага нападу на нас, у выніку якога мы страцілі нашага вярхоўнага лідара, нашых суайчыннікаў і блізкіх. Узброеныя сілы, калі іх камандзіры былі забіты, правялі неабходныя аперацыі і абаранілі нашу краіну з дапамогай сілы”, — заявіў ён.
“Мы не маем намеру нападаць на суседнія краіны, і, як я казаў раней, яны нашы браты, мы павінны быць рука аб руку з нашымі братамі ў міры, і Часовы савет учора ўхваліў рашэнне, якое датычылася нашых сіл, што яны больш не павінны нападаць на суседнія краіны, калі толькі з іх тэрыторыі не будзе здзейснены напад на Іран”, — дадаў прэзідэнт краіны.