Скриншот видео t.me/mchs112by
Ратавальнікі ліквідавалі пажар у касцёле Узнясення Найсвяцейшай Панны Марыі і Святога Язафата Кунцэвіча ў аграгарадку Сапоцкін Гродзенскага раёна.
Агонь пашкодзіў дах і лачанне па ўсёй плошчы будынка, паведамляе прэс-служба МНС. Закураныя сцены, столь і ўнутранае ўбранне касцёла. Пацярпелых няма. На месцы працавалі 16 адзінак тэхнікі МНС.
Разглядаемая версія прычыны НЗ — парушэнне правілаў эксплуатацыі печаў, цеплагенерыруючых агрэгатаў і прылад.
Нагадаем, паводле паведамленняў відавочцаў, узгаранне пачалося каля 7 гадзін раніцы 14 снежня.
Касцёл Узнясення Найсвяцейшай Панны Марыі і Святога Язафата Кунцэвіча — рымска-каталіцкі храм, пабудаваны ў 1935—1939 гадах з цэглы. Помнік эклектычнай архітэктуры са стылізаванымі элементамі готыкі, барока і класіцызму.