Пастаўкі бензіну з Беларусі ў РФ могуць перавысіць 1 млн тон

Рэдакцыя Reform.news · 28 верасня 2026, 08:01

https://reform.news/be/pasta-ki-benzinu-z-belarusi-rf-moguc-peravysic-1-mln-ton/

Аб’ём паставак бензіну з Беларусі ў Расію па выніках дзевяці месяцаў можа перавысіць 1 млн тон. Пра гэта піша «Коммерсантъ» са спасылкай на крыніцу ў галіне.

Паводле яе даных, аб’ём паставак за верасень можа скласці каля 205 тыс. тон, што ў 4,5 раза больш, чым за аналагічны перыяд мінулага года. Такім чынам, РФ па выніках дзевяці месяцаў года можа атрымаць 1,05 млн тон беларускага бензіну.

Таксама растуць пастаўкі беларускага дызельнага паліва ў Расію. У верасні яны склалі 246 тыс. тон. За летнія месяцы беларускія НПЗ адправілі ў суседнюю краіну 361 тыс. тон дызельнага паліва, што ў два разы больш, чым за студзень-май гэтага года.

Расія нарошчвае імпарт паліва на фоне ўкраінскіх удараў па нафтаперапрацоўчых прадпрыемствах.