Парк Чалюскінцаў плануюць рэканструяваць у Мінску

Рэдакцыя Reform.news · 4 лютага 2026, 07:13

https://reform.news/be/park-chaljuskinca-planujuc-rjekanstrujavac-u-minsku/

У Мінску плануюць рэканструяваць парк імя Чалюскінцаў. Пра гэта паведамляюць «Мінск-Навіны». Адпаведны праект вынесла на абмеркаванне Адміністрацыя Першамайскага раёна сталіцы.

Праект датычыцца цэнтральнай алеі і прылеглых да яе тэрыторый. На гэтыя мэты плануецца накіраваць звыш 10 млн рублёў.

Тут плануецца стварыць 10 нестацыянарных кавярняў і 32 гандлёвыя павільёны, падключаныя да ўсіх неабходных камунікацый. Распрацаваныя праекты некалькіх тыпавых канструкцый з фасадамі «пад дрэва» і дахам з мяккай чарапіцы.

Акрамя таго, у парку ўсталююць атракцыёны «Кола агляду», «Ладдзя» і «Катальная горка». Таксама збіраюцца абнавіць асвятленне, лаўкі, малыя архітэктурныя формы і г.д.