Витебск. Фото: @zatestilvitebsk
13 ліпеня па ўсходзе Беларусі прайшлі навальніцы. У Віцебску моцны вецер ламаў дрэвы, а ў Гомелі затапіла вуліцы.
Супрацоўнікі МНС 30 разоў выязджалі на дапамогу для прыбірання паваленых дрэў у Віцебску. Паводле папярэдніх даных, пашкоджаныя 4 аўтамабілі. Адно з дрэў паваліла на зямлю помнік Леніну.
У Гомелі дапамога ратавальнікаў спатрэбілася для адпампоўкі вады. З-за моцнага дажджу былі затоплены 1 падворак і 1 жылы дом на вуліцы Лепяшынскага. Вада паднялася вышэй за ўзровень падлогі, паведамляе МНС.