На волю выйшаў Сяргей Франчук, стрыечны брат прадстаўніка АПК

Рэдакцыя Reform.news · 12 лютага 2026, 08:31

https://reform.news/be/na-volju-vyjsha-sjargej-franchuk-stryechny-brat-pradsta-nika-apk/

На волю выйшаў Сяргей Франчук, стрыечны брат прадстаўніка АПК па абароне Вадзіма Кабанчука (раней быў намеснікам камандзіра Палка Каліноўскага). Пра гэта паведаміла ініцыятыва @dissidentBY.

Франчук быў затрыманы 9 жніўня 2022 года. 28 красавіка 2023 года яго асудзілі на 3 гады пазбаўлення волі, а пазней распачалі новую справу і дадалі яшчэ паўгода пазбаўлення волі. 10 студзеня 2025 года адбыўся яшчэ адзін суд, які дадаў да яго тэрміну зняволення чарговыя шэсць месяцаў.

Сяргей Франчук цалкам адбыў тэрмін і выйшаў на волю 20 студзеня 2026 года. Ён ужо пакінуў Беларусь.