Кароль Навроцки. Фото: prezydent.pl
Прэзідэнт Караль Наўроцкі заявіў пра падтрымку далучэння краіны да ядзернага праекта, падкрэсліўшы неабходнасць умацавання бяспекі на фоне пагроз з боку Расіі.
У эфіры праграмы «Śniadanie Rymanowskiego w Polsat News i Interii» кіраўнік дзяржавы, адказваючы на пытанні пра міжнародную абстаноўку і пытанні бяспекі, назваў сябе «вялікім прыхільнікам» удзелу Польшчы ў ядзернай ініцыятыве.
«Гэты шлях, з павагай да ўсіх міжнародных нормаў, з’яўляецца шляхам, па якім мы павінны ісці. (…) Неабходна дзейнічаць у гэтым кірунку, каб мы маглі прыступіць да працы. Мы з’яўляемся дзяржавай, размешчанай у непасрэднай блізкасці ад зоны ўзброенага канфлікту. Вядома, якое стаўленне агрэсіўнай імперскай Расійскай Федэрацыі да Польшчы», – падкрэсліў ён.
Паводле слоў польскага лідара, ён не ведае, ці адбудзецца гэта наогул, але падтрымлівае ўмацаванне бяспекі Польшчы «нават на аснове атамнага патэнцыялу».
Адказваючы на пытанне пра магчымую рэакцыю Масквы, прэзідэнт Польшчы заявіў, што Расія можа адрэагаваць “агрэсіўна” на любыя дзеянні Варшавы.
«Расія можа агрэсіўна рэагаваць на ўсё», — заявіў ён.