На расійска-беларускай мяжы затрымалі масла без дакументаў

Рэдакцыя Reform.news · 7 жніўня 2026, 17:42

https://reform.news/be/na-rasijska-belaruskaj-mjazhy-zatrymali-masla-bez-dakumenta/

У вёсцы Лабок Пскоўскай вобласці Расіі затрымана партыя сметанковага масла, якое везлі з Беларусі.

Супрацоўнік Рассельгаснагляду ўстанавіў, што 1 тона масла перавозілася без ветэрынарных суправаджальных дакументаў, а таксама ў непрыдатных умовах — без халадзільніка.

Груз забаранілі перавозіць па тэрыторыі Расіі і вярнулі ў Беларусь. На ўладальніка масла склалі пратаколы аб адміністрацыйных правапарушэннях, паведамляе Рассельгаснагляд.