Фото: ТГ-каналы
У Тульскай вобласці Расіі беспілотнікі атакавалі чарговы сартавальны цэнтр Wildberries.
«Адбылося падзенне БПЛА на тэрыторыю сартавальнага цэнтра Wildberries з наступным узгараннем. На месцы працуюць аператыўныя службы. Пажарныя разлікі ліквідуюць узгаранне. Паводле папярэдняй інфармацыі, загінулых няма, адзін чалавек атрымаў раненні», — паведаміў губернатар рэгіёна Дзмітрый Міляеў.
Паводле яго слоў, над тэрыторыяй вобласці былі знішчаныя 107 беспілотнікаў.
Лагістычны цэнтр знаходзіцца ў Алексіне. Ён з’яўляецца адным з найбуйнейшых у партфелі маркетплэйса.