Мінінфарм папоўніў спіс “экстрэмісцкіх матэрыялаў”

Міністэрства інфармацыі зноў папоўніла спіс “экстрэмісцкіх матэрыялаў”.

У яго дададзеныя:

• акаўнты ў Instagram “chrysalismagazine”, “future_belarus” (Беларусь будучынi – Iдэi, якiя натхняюць),
• акаўнты “Polesye_Media” у Tiktok і Threads,
• Брашура “Anastasia Kuhta Love is…”;
• Лагатып (вадзяны знак) экстрэмісцкага фарміравання “Анархічны чорны крыж Беларусь” у выглядзе чорнага крыжа з намаляваным кулаком наверсе з кавалкам калючага дроту ў крузе чорнага колеру, абрэвіятурай “АЧК” і надпісам “АНАРХІЧНЫ ЧОРНЫ КРЫЖ БЕЛАРУСЬ” з даданнем надпісу “abc-belarus.org”.

Нагадаем, у Беларусі абвінавачанні ў экстрэмізме выкарыстоўваюцца для пераследу апанентаў Лукашэнкі і барацьбы з іншадумствам у цэлым.