Мінчанін упаў з самаката на трамвайныя рэйкі і памёр

Рэдакцыя Reform.news · 29 верасня 2026, 09:37

https://reform.news/be/minchanin-upa-z-samakata-na-tramvajnyja-rjejki-i-pamjor/

ДКСЭ расказаў пра няшчасны выпадак, які адбыўся ў Мінску летам гэтага года. Паездка нецвярозага мінчаніна на самакаце скончылася смерцю.

Здарэнне адбылося на скрыжаванні Машэрава — Старажоўская.

«Паводле слоў відавочцаў, нецвярозы мужчына ўпаў з самаката, пры падзенні стукнуўся галавой аб трамвайныя рэйкі і перастаў рухацца», — расказалі ў ДКСЭ.

Медыкі, якія прыбылі на месца, правялі рэанімацыйныя мерапрыемствы. Яны змаглі аднавіць работу сэрца. Мужчыну шпіталізавалі, аднак праз 7 дзён ён памёр, не прыходзячы ў прытомнасць.

Судовыя эксперты прыйшлі да высновы, што смерць мужчыны наступіла ад комплексу спалучанай тупой траўмы цела (шматлікія драпіны і кровападцёкі на твары і целе, шматаскепкавы пералом носа, шыйнага пазванка, кровазліцці і пашкоджанні спіннога мозгу), клінічнае цячэнне якой ускладнілася развіццём стану, які пагражае жыццю, — комы, развіццём сіндрому поліорганнай недастатковасці (парушэнняў функцый 2 і больш органаў) і шэрагу іншых ускладненняў.