Мінчанін на працягу месяца краў штучныя ёлкі

Рэдакцыя Reform.news · 7 студзеня 2026, 12:14

https://reform.news/be/minchanin-na-pracjagu-mesjaca-kra-shtuchnyja-jolki/

Сталічная міліцыя раскрыла крадзеж 18 штучных ёлак у адным з гандлёвых цэнтраў. З заявай аб крадзяжы звярнуўся прадстаўнік аднаго з павільёнаў. Крама не была абсталяваная сігналізацыяй і не зачынялася на ноч. У выніку з яе і зніклі навагоднія дрэвы.

«Устаноўлена, што фігурант на працягу месяца выкрадаў штучныя ёлкі, маскіраваў іх пакрывалам і перавозіў на прадуктовым вазку ў падсобнае памяшканне, а ў далейшым перапрадаваў. Выручаныя грошы траціў на асабістыя патрэбы», — гаворыцца ў паведамленні ГУУС Мінгарвыканкама.

Узбуджана крымінальная справа. Шкода склала больш за 10,8 тыс. рублёў. Ёлкі, якія падазраваны не паспеў прадаць, вернутыя прадпрымальніку.