Расійская «Бандэроль» зноў залятала ў Беларусь

Рэдакцыя Reform.news · 16 кастрычніка 2026, 14:20

https://reform.news/be/rasijskaja-bandjerol-zno-zaljatala-belarus/

Раніцай 16 кастрычніка расійскі боепрыпас «Бандэроль» зноў заляцеў у паветраную прастору Беларусі. Ён перасёк мяжу з боку Украіны і праляцеў праз Гомельскую вобласць, паведамляе «Флагшток».

Паводле інфармацыі ўкраінскага маніторынгавага канала «еРадар», боепрыпас перасёк беларускую мяжу каля 09:05 падчас масіраванай паветранай атакі Расіі на Украіну. Ён праляцеў праз Брагін углыб Беларусі. Паводле даных мадэратара канала, апарат заляцеў у краіну праз Чарнобыль.

На тэрыторыі Гомельскай вобласці боепрыпас знаходзіўся каля 5 хвілін. У 09:10 ён вярнуўся ў паветраную прастору Украіны і накіраваўся ў бок Чарнігава. У раёне Славуціча яго перасталі фіксаваць.

«Бандэроль» уяўляе сабой малагабарытны баражыруючы боепрыпас, які спалучае характарыстыкі крылатай ракеты і рэактыўнага дрона-камікадзэ. Ён прымяняецца для ўдараў па інфраструктуры.

Як адзначае рэсурс, папярэдні падобны выпадак быў зафіксаваны ў жніўні.