Фото: Минобороны
Міністэрства абароны пачало камандна-штабную трэніроўку з Паўночна-Заходнім аператыўным камандаваннем. Ёю кіруе начальнік Генштаба — першы намеснік міністра абароны Павел Муравейка.
“У ходзе мерапрыемства генерал-маёр Павел Муравейка заслухаў рашэнне камандуючага войскамі Паўночна-заходняга аператыўнага камандавання на прымяненне войскаў аб’яднання.
Трэніроўка накіравана на ўдасканаленне працы штабоў пры планаванні аперацый з улікам аналізу вопыту сучасных ваенных канфліктаў і працягнецца тры дні”, – паведамілі ў міністэрстве.
Трэніроўка з Паўночна-Заходнім аператыўным камандаваннем пачалася літаральна праз некалькі дзён пасля заканчэння комплекснага вучэння з войскамі Заходняга аператыўнага камандавання.