Лукашэнка расказаў, як абмяркоўваў з амерыканцамі вызваленне тысячы палітвязняў

Рэдакцыя Reform.news · 18 снежня 2025, 19:51

https://reform.news/be/lukashjenka-raskaza-jak-abmjarko-va-z-amerykancami-vyzvalenne-tysjachy-palitvjaznja/

На Усебеларускім народным сходзе Аляксандр Лукашэнка расказаў, як абмяркоўваў з амерыканцамі вызваленне тысячы палітычных зняволеных.

«Калі амерыканцы кажуць: вось, адпусціце гэтага, я кажу: “Хлопцы, мы яшчэ сотню вам дамо”. Гэта папярэднія перамовы так скончыліся — яны за гэта ўчапіліся. Сотню. Давялося сотню ім аддаць. А цяпер я ім кажу: “Тысячу. Калі вы лічыце, што тысячу”… Але ў нас там на тысячу не хопіць, я кажу: наркаманаў і іншых падкінем, калі ласка, вывозьце іх туды. Не, наркаманы нам не патрэбныя. Бандзіты нам не патрэбныя», — заявіў ён.

«Але кажу: добра, тады не кажыце, што тысяча. Ну вось такія вось ідуць перамовы, не безвынікова. Але яшчэ раз падкрэсліваю: калі сур’ёзна, то нам трэба з імі выбудоўваць адносіны, як гэта робяць іншыя», — дадаў Лукашэнка.