Аляксандр Лукашэнка даручыў прыбраць аўтамабілі з двароў жылых дамоў у Мінску, каб людзі «дыхалі чыстай прыродай». Пра гэта ён заявіў на сустрэчы са старшынёй Мінгарвыканкама Уладзімірам Кухаравым 3 верасня, паведамляе БелТА.
Лукашэнка прызнаўся, што аўтамабілі ў дварах робяць на яго жудаснае ўражанне.
«Стаіць дом, перад ім сквер да праезнай часткі — добра, прыгожа. Але гэта рэдкасць. А ў іншых выпадках — гэта акіян аўтамабіляў. Брудныя недзе, замызганыя. Ну не вельмі прыгожа, калі будынак патанае ў чарадзе гэтых аўтамабіляў.
Нам трэба думаць, што нам рабіць. Нікуды не дзенемся ад аўтамабіляў. Але трэба думаць, што нам рабіць з гэтымі стаянкамі. Перад домам, каля дома ўсё ж людзі павінны дыхаць чыстай прыродай – (там павінны быць. – Заўв. рэд.) дрэвы, кусты, кветкі, клумбы і гэтак далей», — сказаў ён.
Лукашэнка прапануе прыбраць аўтамабілі на стаянкі далей, але дзейнічаць не забаронамі.
«Паступова, не заўтра, не забаронамі. А прыбраць гэтыя стаянкі куды-небудзь далей. Каб людзі маглі, асабліва дзеткі, выйсці, старыя — пасядзець на лавачцы. Таму добраўпарадкаванне – пытанне для Мінска вельмі важнае», — заявіў ён.
