Літоўскія памежнікі затрымалі беларуса, які знаходзіўся ў вышуку праз Інтэрпол

Рэдакцыя Reform.news · 17 лютага 2026, 14:42

https://reform.news/be/lito-skija-pamezhniki-zatrymali-belarusa-jaki-znahodzi-sja-vyshuku-praz-intjerpol/

Літоўскія памежнікі ў нядзелю ў пункце пропуску “Мядзінінкай” затрымалі грамадзяніна Беларусі пры ўездзе ў Літву. Ён знаходзіўся ў міжнародным вышуку па запыце дацкай паліцыі. Паведамляецца, што мужчыну абвясцілі ў вышук месяц таму.

Грамадзяніна Беларусі змясцілі ў ізалятар часовага ўтрымання. Пазней ён быў перададзены віленскай паліцыі, якая даставіла яго ў ізалятар сталіцы Літвы.

У паведамленні не ўдакладняецца, па якой прычыне грамадзянін Беларусі быў абвешчаны ў вышук.

У гэтым годзе літоўскія памежнікі затрымалі 73 чалавекі, якія разыскуецца мясцовымі і замежнымі праваахоўнымі органамі, у тым ліку сярод іх былі двое грамадзян Латвіі. Аднак большасць затрыманых, 58 чалавек, — грамадзяне Літвы.