Скриншот видео
Літоўскія памежнікі ў нядзелю сутыкнуліся са спробамі 50 мігрантаў парушыць мяжу з боку Беларусі. Гэта самы вялікі дзённы паказчык з пачатку года.
Паводле інфармацыі Службы аховы дзяржаўнай мяжы Літвы, 11 чалавек дзвюма групамі спрабавалі перайсці мяжу ў раёне Капчамесціса. Яны былі своечасова выяўлены. Іх задума не ўдалася. Мігранты адступілі ўглыб беларускай тэрыторыі пры выглядзе патрулёў.
39 чалавек усё ж змаглі перайсці мяжу ў Лаздзіяйскім і Варэнскім раёнах. Адну з груп у 19 чалавек літоўскія памежнікі заўважылі з верталёта. На яе пошук былі накіраваны нарады з падтрымкай кінолагаў. Усе былі затрыманы. Парушальнікі прадставіліся грамадзянамі Афганістана, Ірана і Пакістана. Толькі ў дзевяці афганцаў былі пашпарты. Астатнія не мелі дакументаў.
Парушальнікаў у выніку выдварылі з тэрыторыі Літвы.
У Латвіі за нядзелю мяжу спрабавалі парушыць 26 мігрантаў. Польскія памежнікі 24–26 красавіка не сутыкаліся са спробамі парушэнняў мяжы мігрантамі з боку Беларусі.