Фото: Amber Grid
Літоўскі аператар газатранспартнай сістэмы Amber Grid падпісаў з “Газпрамам” новы 5-гадовы кантракт на транзіт газу ў Калінінградскую вобласць. Ён будзе дзейнічаць да канца 2030 года.
“Цэны на паслугі ўсталёўваюцца Дзяржаўнай радай па рэгуляванні энергетыкі, а дапушчальны ўзровень даходаў, устаноўлены на 2026 год, складае прыблізна 30 млн еўра”, — гаворыцца ў паведамленні кампаніі.
Кантракт прадугледжвае магчымасць выкарыстання прапускной здольнасці да 10,5 млн кубаметраў у суткі. Адзначаецца, што гандаль газам забаронены: увесь аб’ём газу будзе ўлічвацца на ўваходзе і на выхадзе з літоўскай тэрыторыі.