Павел Данейко. Скриншот видеозаписи YouTube-канала "Жизнь-малина", https://www.youtube.com/watch?v=P3sfrlb_Zzo&t=1938s
Кватэра завочна асуджанага эканаміста Паўла Данейкі выстаўлена на продаж. Аб’ява аб правядзенні аўкцыёну з’явілася на пляцоўцы “БелЮрЗабеспячэння”.
У лютым мінулага года Мінгарсуд вынес прыгавор у дачыненні да Паўла Данейкі. Завочна ён асуджаны на 12 гадоў калоніі, а таксама аштрафаваны на 13 тыс. базавых велічынь. Паводле версіі абвінавачання, Данейка ў жніўні 2020 года ўвайшоў у склад Каардынацыйнай рады і «як яе ўдзельнік здзяйсняў актыўныя дзеянні для дасягнення мэт неканстытуцыйнага захопу дзяржаўнай улады».
Аўкцыён па продажы кватэры плошчай 152,7 кв. м. адбудзецца 23 красавіка.
Гэта ўжо не першы выпадак, калі ў Беларусі прадаюцца кватэры асуджаных па палітычных матывах.