Консульство Польши в Одессе. Фото: facebook.com/oda.odesa
У выніку расійскіх удараў па Адэсе ў ноч на 13 студзеня быў пашкоджаны будынак консульства Польшчы.
«Чарговая ноч расійскага тэрору. У выніку начной бамбардзіроўкі пашкоджана польскае консульства ў Адэсе. Ніхто з нашых супрацоўнікаў не пацярпеў», — паведаміў у сацыяльнай сетцы X прэс-сакратар МЗС Польшчы Мацей Вевюр.
Расія нанесла ўдары па Адэсе ў ноч з 12 на 13 студзеня. Пацярпелі пяць чалавек. Пашкоджаны жылыя дамы, дзіцячы сад, гаражы, аўтамабілі. Удары выклікалі пажары ў неэксплуатаванай навабудоўлі, памяшканні фітнес-цэнтра, прафесійным ліцэі, паведамляе Дзяржаўная служба Украіны па надзвычайных сітуацыях.