Коўл абмяркоўваў пытанні рэгіянальнай бяспекі і міграцыі з кіраўніцтвам Літвы і Беларусі

Рэдакцыя Reform.news · 13 снежня 2025, 19:32

https://reform.news/be/ko-l-abmjarko-va-pytanni-rjegijanalnaj-bjaspeki-i-migracyi-z-kira-nictvam-litvy-i-belarusi/

Спецыяльны прадстаўнік прэзідэнта ЗША Джон Коўл абмеркаваў пытанні рэгіянальнай бяспекі і міграцыі з прэзідэнтам і прэм’ер-міністрам Літвы, а таксама з Аляксандрам Лукашэнкам. Ён назваў заслугай Дональда Трампа вызваленне палітвязняў.

“Яшчэ 156 палітычных зняволеных вызвалены дзякуючы лідарству прэзідэнта Трампа! Важны крок у адносінах паміж ЗША і Беларуссю. Мы абмеркавалі пытанні рэгіянальнай бяспекі і міграцыі ў Вільні з Гітанасам Наўседам і Інгай Ругінене, а таксама ў Мінску з прэзідэнтам Лукашэнкам.

Дзякуй прэзідэнту Лукашэнку за прыём і за далейшыя крокі. Дзякуй Літве і Украіне за падтрымку і супрацоўніцтва ў справе вызвалення гэтых зняволеных. Асабліва ўдзячны кіраўніку ГУР Украіны Кірылу Буданаву за яго неацэнную каардынацыю, якая зрабіла гэта магчымым у апошнія тыдні”, — напісаў ён у сваім блогу ў сетцы X.

Нагадаем, сёння пасля двухдзённых перамоваў амерыканскай дэлегацыі ў Мінску ў выніку здзелкі былі вызваленыя, а затым выгнаныя з Беларусі 123 палітвязні.