Фото: t.me/customs_bel
У грузавіку DAF літоўскага перавозчыка выявілі 5 тон незадэклараваных тавараў агульным коштам больш за 900 тысяч рублёў. Парушэнне выявілі ў пункце пропуску «Беняконі» гродзенскія мытнікі.
Сярод канфіскаванага — інгрэдыенты для харчовай і фармацэўтычнай прамысловасці, сыравіна для вытворчасці біялагічна актыўных дабавак, кава, макароны, кансерваваная прадукцыя і іншыя тавары. Парушэнне было здзейснена наўмысна з мэтай заніжэння мытных плацяжоў.
У дачыненні да перавозчыка ўзбуджаны адміністрацыйны працэс. Яму пагражае штраф да 30% ад кошту незаконна ўвезеных тавараў, а таксама даплата мытных плацяжоў у памеры каля 250 тысяч рублёў, паведамілі ў прэс-службе Мытнага камітэта Беларусі.