Каардынацыйная рада новага склікання збярэцца на першае пасяджэнне 19 чэрвеня

Прызначана дата першага пасяджэння Каардынацыйнай рады чацвёртага склікання. Яно адбудзецца ўвечары 19 чэрвеня.

Як паведамілі ў КР, з дня першага пасяджэння ўступаюць у сілу паўнамоцтвы дэлегатаў КР. Старшынстваваць на першым пасяджэнні будзе Юрый Губарэвіч.

Нагадаем, выбары ў КР прайшлі ў маі. Паводле іх вынікаў у раду прайшлі восем выбарчых суб’ектаў:

• «Кааліцыя Латушкі і «Рух «За Свабоду» (34 мандаты);
• «Еўрапейскі выбар» (11 мандатаў);
• «Хопіць баяцца» (5 мандатаў);
• «Рух «Воля» (10,41%);
• «Аб’яднаная грамадзянская платформа» (6,77%);
• «Наступ» (8 мандатаў);
• «Ваш голас» (4 мандаты);
• «Беларусы дзеяння» (4 мандаты).