Главный корпус МТЗ. Фото: Википедия
Экспарт МТЗ складае каля паўмільярда долараў. Такія даныя ў інтэрв’ю SB.by прывёў генеральны дырэктар трактарнага холдынга Тарас Мурог.
«Калі казаць пра структуру экспарту, то па выніках 2025 года аб’ём знешніх паставак склаў практычна паўмільярда долараў. Плануем і сёлета застацца на такім жа ўзроўні экспарту. Каля 55 працэнтаў паставак прыпала на расійскі рынак, прыкладна 20 працэнтаў — на краіны далёкага замежжа, астатняе — на краіны Сярэдняй Азіі», — сказаў ён.
Паводле яго слоў, прэміяльным для МТЗ з’яўляецца расійскі рынак, але ён сутыкаецца са складанасцямі з фінансаваннем.
«Мы наўпрост залежым ад рэалізацыі атрыманага ўраджаю збожжа. Ведаем, што існуе пэўны ціск на Расію ў частцы экспарту збожжа, таму ўнутраныя праблемы з рэалізацыяй сельскагаспадарчай прадукцыі, у першую чаргу збожжа, адбіваюцца і на аб’ёмах закупкі новай тэхнікі.
Аднак гэты рынак лічым прэміяльным і па-ранейшаму будзем дастаткова ўпэўнена працаваць на ім. Далей па ранжыраванні з пункту гледжання аб’ёмаў рэалізацыі і цікавасці ставім Казахстан і Узбекістан. Следам ідуць афрыканскі і паўднёва-ўсходнеазіяцкі рынкі», — дадаў ён.