Іран можа атрымаць ПЗРК з Кітая – СМІ

Рэдакцыя Reform.news · 29 ліпеня 2026, 08:53

https://reform.news/be/iran-mozha-atrymac-pzrk-z-kitaja-smi/

Іран у найбліжэйшы час можа атрымаць першую партыю кітайскіх пераносных зенітных ракетных комплексаў. Пра гэта паведамляе Reuters са спасылкай на крыніцы.

Усяго кантракт коштам 60-70 млн долараў прадугледжвае пастаўку 300-400 ПЗРК мадэляў QW-12 і FN-16.

Паводле звестак крыніц агенцтва, кантракт заключаны паміж Zhongqing Baoshang International Investment і пасярэднікам з Ганконга, які дзейнічае ў інтарэсах іранскага боку.

МЗС Кітая адмаўляе наяўнасць здзелкі, назваўшы паведамленні пра яе беспадстаўнымі.

Меркавана, пастаўка можа быць арганізавана праз тэрыторыю Пакістана. У Пакістане адмаўляюць такую магчымасць.

Пераносныя ЗРК здольныя ўзмацніць паветраную абарону Ірана блізкага радыуса дзеяння. Асноўнымі мэтамі для іх могуць быць дроны і аб’екты, якія ляцяць на нізкай вышыні.