Грамадзяніна Афганістана з беларускай візай у фальшывым пашпарце затрымалі на літоўскай мяжы

Рэдакцыя Reform.news · 15 ліпеня 2026, 17:47

https://reform.news/be/gramadzjanina-afganistana-z-belaruskaj-vizaj-u-falshyvym-pashparce-zatrymali-na-lito-skaj-mjazhy/

Літоўскія памежнікі затрымалі грамадзяніна Афганістана, які прад’явіў для кантролю падроблены пашпарт з беларускай візай.

Пасажырскі аўтобус з беларускімі нумарамі ехаў з Літвы ў Беларусь праз пункт пропуску «Мядзінінкай». Пашпарт аднаго з пасажыраў, 31-гадовага афганца, падаўся літоўскім памежнікам падазроным.

Мужчыну высадзілі з аўтобуса. Пасля вывучэння дакумента памежнікі прыйшлі да высновы, што пашпарт быў падробленым. Афганец сцвярджаў, што атрымаў пашпарт у Афганістане. Ён заявіў, што мае партугальскі від на жыхарства і едзе ў Беларусь з турыстычнай мэтай. У пашпарце стаяла дзейная беларуская віза.

Іншаземца затрымалі і змясцілі пад варту. Паводле факта выкарыстання падробленага дакумента распачата дасудовае расследаванне, паведамляе Памежная служба Літвы.