Фото: prokuratura.gov.by
Генеральная пракуратура Беларусі цягам месяца накіруе ў Вярхоўны суд восьмую крымінальную справу, выдзеленую з асноўнай справы аб генацыдзе беларускага народа ў гады Вялікай Айчыннай вайны. Пра гэта ў праекце «Краіна гаворыць» паведаміў кіраўнік следчай групы Валерый Талкачоў, перадае БелТА.
Новая справа датычыцца беларуса Аляксандра Буглая.
«Буглай Аляксандр Іванавіч у 1929 годзе пайшоў добраахвотнікам у польскую армію. У 1935 годзе быў завербаваны польскай разведкай для шпіёнскай дзейнасці ў СССР. Пасля ўз’яднання Заходняй і Усходняй Беларусі ў кастрычніку 1939 года быў арыштаваны НКУС БССР, але ўцёк.
На пачатку вайны добраахвотна паступіў на службу да нацыстаў. З 16 ліпеня 1941 года ён кіраваў ваенізаваным падраздзяленнем, а з лістапада 1941 года — падраздзяленнем пры Гомельскай палявой жандармерыі. Да мая 1944 года ўзначальваў так званы баявы добраахвотніцкі батальён імя Буглая і, будучы беларусам, знішчаў свой народ», — расказаў Талкачоў.
У праекце пастановы аб прыцягненні яго ў якасці абвінавачанага выкладзены 29 эпізодаў злачыннай дзейнасці — знішчаныя вёскі на тэрыторыі Гомельскай, Магілёўскай, Мінскай абласцей і сотні забітых.
Раней прысуды па справах аб генацыдзе былі вынесены памерлым Уладзіміру Катруку, Канстанціну Смоўскаму, Сямёну Серафімовічу, Осіпу Вінніцкаму, Аляксандру Ярмольчыку, Гансу Зіглінгу і Антанасу Гецявічусу.