Фото: Reform.by
Гадавая інфляцыя ў Беларусі склала 6,8%. Такія даныя сёння апублікаваў Белстат. Нагадаем, прагнозам сацыяльна-эканамічнага развіцця на 2025 год было прадугледжана, што інфляцыя не павінна перавысіць узровень у 5%.
Паводле даных Белстата, у снежні штомесячная інфляцыя склала 0,3%, што на 0,1 п.п. менш, чым у лістападзе. Паказчык гадавой інфляцыі пад канец 2025-га запаволіўся. У лістападзе гадавая інфляцыя складала 7%.
Базавая інфляцыя, якая выключае змяненне цэн на сезонныя і рэгуляваныя тавары і паслугі, у снежні склала 0,4%, а за год — 7,3%.
У снежні цэны на харчовыя тавары выраслі на 0,4%, на нехарчовыя тавары — на 0,2%, на паслугі — на 0,3%.
За год цэны на харчаванне выраслі на 9%, на нехарчовыя тавары — на 0,3%, а на паслугі — на 8%.
Мэтавы паказчык па інфляцыі на 2026 год устаноўлены на ўзроўні не больш за 7%.