Дзяўчынка, якая згубілася ў Віцебскім раёне, знойдзена

Рэдакцыя Reform.news · 26 снежня 2025, 07:29

https://reform.news/be/dzja-chynka-jakaja-zgubilasja-vicebskim-rajone-znojdzena/

Дзяўчынка, якая згубілася ў Віцебскім раёне, знойдзена. Як паведамілі ў МНС, яе выявілі каля вёскі Шаркі, якая знаходзіцца на адлегласці больш за 5 км ад Гаркава, дзе знікла дзіця.

«Сляды дзяўчынкі выявілі паляўнічы Аляксандр Сакалоў і Павел Самохін, егер Беларускай арганізацыі паляўнічых і рыбаловаў. Дзяўчынку аператыўна даставілі дадому. Яе агледзелі медыкі. Шпіталізацыя ёй не спатрэбілася», — праінфармавалі ў МНС.

Да пошукаў было прыцягнута 24 адзінкі тэхнікі і 124 чалавекі, з іх 15 адзінак тэхнікі і 82 работнікі МНС.