Цыгарэты падаражаюць у Беларусі з 1 сакавіка

Рэдакцыя Reform.news · 25 лютага 2026, 09:57

https://reform.news/be/cygarjety-padarazhajuc-u-belarusi-z-1-sakavika/

Міністэрства па падатках і зборах апублікавала цэны на цыгарэты з 1 сакавіка. Раней іх задэкларавалі вытворцы і імпарцёры тытунёвых вырабаў. Калі ў лютым змены ў цэнах былі мінімальнымі, то ў сакавіку падаражае ўжо нямала найменняў цыгарэт.

ААТ “Гродзенская тытунёвая фабрыка “Нёман” павышае цэны на цыгарэты Dove на 30-45 капеек у залежнасці ад канкрэтнага наймення. Rigins даражэюць на 40 і 45 капеек. Некаторыя найменні Kent, Rothmans вырастуць у цане на 10 капеек. RB PERLIAMUTR стануць даражэйшымі на 45-50 капеек.

“Табак-Інвест” падымае цэны на Lucky Strike на 10 капеек.

Таксама падаражаюць на 45 капеек два найменні Red Bor.

“Аліды-Вест” павялічвае на 10 капеек кошт цыгарэт Dunhill.