Фото: Офис Тихановской
Святлана Ціханоўская ў сераду, 11 лютага, прыняла ўдзел у сустрэчы ініцыятывы “Напішы ліст палітвязню”. Разам з яе ўдзельнікамі ў Беларускім моладзевым хабе яна напісала лісты і паштоўкі палітвязням.
«Я вельмі ўдзячная ўсім беларусам і беларускам, хто прыходзіць на гэтыя сустрэчы і піша лісты нашым палітвязням — для іх гэта сапраўды вельмі важна. Вы робіце гэта кожны тыдзень, і, здаецца, мяне ніколі не перастане здзіўляць моц нашай салідарнасці», — сказала Ціханоўская, перадае яе офіс.
Ініцыятыва збіраецца ў Варшаве рэгулярна. Людзі прыходзяць, каб напісаць некалькі радкоў падтрымкі тым, хто знаходзіцца ў зняволенні.