Ціханоўская і віцэ-прэзідэнт Еўрапарламента абмеркавалі еўрапейскія перспектывы для Беларусі

Рэдакцыя Reform.news · 12 студзеня 2026, 21:07

https://reform.news/be/cihano-skaja-i-vicje-prjezidjent-e-raparlamenta-abmerkavali-e-rapejskija-perspektyvy-dlja-belarusi/

12 студзеня Святлана Ціханоўская сустрэлася з віцэ-прэзідэнтам Еўрапейскага парламента Пінай Пічэрна ў Вільнюсе.

Бакі абмеркавалі сітуацыю з беларускімі палітвязнямі, бяспеку ў рэгіёне і ролю Еўрасаюза ў супрацьдзеянні аўтарытарызму, паведамляе Офіс Ціханоўскай.

Акрамя таго, абмяркоўвалася падтрымка еўрапейскай перспектывы для Беларусі і падрыхтоўка дарожнай карты збліжэння з Еўрапейскім саюзам і Саветам Еўропы.

Асобнай тэмай стаў трэці міжпартыйны форум «8+100», які адбудзецца 3–4 сакавіка ў Еўрапарламенце. У мерапрыемстве плануецца ўдзел 8 беларускіх і 100 еўрапейскіх партый. Ціханоўская заклікала Пічэрна далучыцца да форуму і падтрымаць прыцягненне большай колькасці дэпутатаў Еўрапарламента.

Кіраўніца Аб’яднанага пераходнага кабінета таксама прапанавала працягнуць практыку «хроснага бацькоўства» палітвязняў і арганізаваць Кангрэс хросных палітвязняў у Берліне, каб зрабіць гэты механізм больш эфектыўным.

Ціханоўская падзякавала Пічэрна за падтрымку Беларусі, у тым ліку за ўдзел у адкрыцці офіса і шэлтара ў Фларэнцыі.

«Падтрымка такіх партнёраў, як Піна Пічэрна, дапамагае ўтрымліваць Беларусь у фокусе еўрапейскай палітыкі і нагадваць: без свабоднай Беларусі не будзе бяспечнай Еўропы», — заявіла Ціханоўская.