Фото: pixabay.com
Каціроўкі золата абнавілі рэкорд. Бліжэйшы, лютаўскі, ф’ючэрс на біржы COMEX падаражэў на 2,5% і дасягнуў цаны ў 4612,7 долара за унцыю. Упершыню цана золата перайшла рубеж у 4600 долараў за унцыю.
Рост каціровак звязваюць у тым ліку з тым, што пракуратура ЗША ў акрузе Калумбія пачала крымінальнае расследаванне ў дачыненні да старшыні ФРС Джэрама Паўэла. Паўэл у сваім звароце заявіў, што разглядае гэта як ціск на ФРС з мэтай паўплываць на яе рашэнні па грашова-крэдытнай палітыцы.
Дадатковым фонам для росту цэн на золата з’яўляюцца заявы Трампа наконт магчымага ўмяшання ў Іране.