Брытанія перахапіла танкер расійскага «ценявога флоту»
Рэдакцыя Reform.news · 14 чэрвеня 2026, 11:09
https://reform.news/be/brytanija-perahapila-tanker-rasijskaga-cenjavoga-flotu/Вялікабрытанія перахапіла нафтавы танкер расійскага «ценявога флоту», які спрабаваў прайсці праз праліў Ла-Манш.
«Сёння ранняй раніцай я аддаў загад нашым Узброеным сілам перахапіць нафтавы танкер «ценявога флоту», які спрабаваў прайсці праз праліў Ла-Манш.
Гэтая паспяховая аперацыя нанесла Расіі яшчэ адзін удар і нагадала тым, хто падсілкоўвае вайну Пуціна супраць Украіны, што мы не дазволім ім хавацца», — заявіў прэм’ер-міністр Вялікабрытаніі Кір Стармер у сацыяльнай сетцы X.
Аперацыя была праведзена ў каардынацыі з Францыяй і працягвалася 6 гадзін. У ёй былі задзейнічаны авіяцыйныя сродкі Марской авіяцыйнай групы, самалёт ВПС Вялікабрытаніі P-8, а таксама караблі HMS SUTHERLAND і HMS LEDBURY, паведамляе Міністэрства абароны Брытаніі.
Судна SMYRTOS будзе ўтрымлівацца і знаходзіцца ля паўднёвага ўзбярэжжа Вялікабрытаніі на час расследавання.
Despite Putin’s best efforts to evade sanctions, we will not let him get away with it. pic.twitter.com/IIW3Cv2ENQ
— Keir Starmer (@Keir_Starmer) June 14, 2026