Брэсцкі аблвыканкам устанавіў тэрміны збору брусніц і журавін

Рашэннем Брэсцкага абласнога выканаўчага камітэта №518 ад 23 ліпеня ў 2026 годзе ўстаноўлены тэрміны збору ягад у рэгіёне.

У Брэсцкай вобласці можна будзе збіраць:

• брусніцы — з 12 жніўня;
• журавіны — з 10 верасня.

Збор ягад у забароненых месцах, а таксама да ўстаноўленых тэрмінаў цягне адміністрацыйную адказнасць паводле часткі 2 артыкула 16.19 КаАП Рэспублікі Беларусь. Парушальнікам пагражае штраф да 20 базавых велічынь.

Раней тэрміны збору ягад былі вызначаны ў Мінскай, Гродзенскай і Магілёўскай абласцях.