Больш за 50 чалавек уключылі ў «спіс экстрэмістаў» у Беларусі

Рэдакцыя Reform.news · 4 верасня 2026, 14:10

https://reform.news/be/bolsh-za-50-chalavek-ukljuchyli-spis-jekstrjemista-u-belarusi/

МУС уключыла ў «Пералік грамадзян Рэспублікі Беларусь, замежных грамадзян або асоб без грамадзянства, датычных да экстрэмісцкай дзейнасці», яшчэ 52 чалавекі.

Сярод іх – 62-гадовы грамадзянін Украіны Юрый Малькевіч з Жодзіна. Мінскі абласны суд прызнаў яго вінаватым у «агентурнай дзейнасці». Указана, што ён адбывае пакаранне.

Цяпер у «экстрэмісцкім» спісе 6887 прозвішчаў.

Беларускія ўлады рэгулярна выкарыстоўваюць абвінавачанні ў экстрэмізме для барацьбы з палітычнымі апанентамі і іншадумствам у цэлым.