Руслан Варанков с письмом Дональда Трампа. Скриншот видео
Прэзідэнт ЗША Дональд Трамп запрасіў шэраг сусветных лідараў увайсці ў яго «Савет міру па Газе», разлічваючы прасунуць свой 20-пунктны план, накіраваны на забеспячэнне ўстойлівага міру і аднаўленне палесцінскага анклава, паведамляе Bloomberg.
Трамп хоча, каб цырымонія падпісання адбылася ў Давосе ў чацвер, нягледзячы на заклікі з боку некаторых запрошаных перагледзець умовы працы савета.
Прыведзены ніжэй спіс запрошаных заснаваны на інфармацыі ад крыніц, знаёмых з сітуацыяй, а таксама на публікацыях у сацыяльных сетках. Не ўсе краіны пацвердзілі атрыманне запрашэнняў, і спіс не з’яўляецца вычарпальным.
Нагадаем, учора стала вядома, што прэзідэнт ЗША Дональд Трамп прапанаваў Беларусі стаць заснавальнікам Савета міру ў кантэксце ўрэгулявання сітуацыі ў Сектары Газа.
Стварэнне Савета міру па Газе прадугледжвалася ў апублікаваным у верасні 2025 года плане Трампа па спыненні вайны. Савет узначальвае Трамп. На мінулым тыдні Белы дом абвясціў аб стварэнні заснавальнага выканаўчага савета і апублікаваў спіс яго членаў: дзяржсакратар ЗША Марка Рубіа, спецпасланнік Трампа Стыў Уіткаф, зяць Трампа Джарэд Кушнер, былы прэм’ер-міністр Вялікабрытаніі Тоні Блэр, кіраўнік Сусветнага банка Аджай Банга, намеснік дарадцы па нацыянальнай бяспецы ЗША Роберт Габрыэль, амерыканскі мільярдэр Марк Роўэн. Акрамя гэтага, быў створаны Выканаўчы савет Газы.