Фото: БКМ
Работнікі БелАЭС цяпер будуць ездзіць на працу на электробусах. «БКМ Холдынг» паставіў чатыры прыгарадныя электробусы E350 для атамнай станцыі.
“Электробусы будуць выкарыстоўвацца для перавозкі персаналу на тэрыторыі і паблізу аб’екта”, — гаворыцца ў паведамленні.
Электробусы разлічаныя на перавозку да 53 пасажыраў. Яны абсталяваныя новым электрарухавіком 220 кВт, энерганакопліўнай сістэмай 614,4 В і забяспечваюць аўтаномны ход не менш за 100 км. Максімальная хуткасць — да 90 км/г.