«Белавія» аднавіла рэгулярныя рэйсы ў Дубай

Рэдакцыя Reform.news · 22 мая 2026, 15:13

https://reform.news/be/belavija-adnavila-rjeguljarnyja-rjejsy-dubaj/

Авіякампанія «Белавія» аднавіла палётную праграму ў ААЭ, прыпыненую ў сувязі з сітуацыяй на Блізкім Усходзе. Першы рэйс на Boeing 737-8 вылецеў сёння ранняй раніцай, паспяхова прызямліўся ў міжнародным аэрапорце Дубая і вярнуўся ў Мінск.

На пачатковым этапе рэйсы выконваюцца двойчы на тыдзень — па аўторках і пятніцах. У ліпені, па меры росту попыту, частату палётаў маюць намер павялічваць, паведамілі ў прэс-службе авіяперавозчыка.