Беларусы страцілі 25,3 млн рублёў ад несанкцыянаваных плацежных аперацый

Рэдакцыя Reform.news · 13 жніўня 2026, 09:57

Нацыянальны банк Беларусі назваў суму шкоды ад несанкцыянаваных плацежных аперацый па выніках сямі месяцаў.

У студзені-ліпені грамадзяне страцілі 25,3 млн рублёў. У параўнанні з аналагічным перыядам мінулага года шкода скарацілася на 3,5 млн рублёў.

“Амаль 93% ад гэтай сумы было выкрадзена з выкарыстаннем метадаў сацыяльнай інжынерыі”, – падкрэслілі ў Нацбанку.

Беларускім банкам удалося прадухіліць крадзяжы на суму ў 4,6 млн рублёў, што ў 2,2 раза больш, чым год таму.

“Доля прыпыненых банкамі спісанняў грашовых сродкаў павялічылася з 7,6% да 18,3% ад агульнай сумы выкрадзеных сродкаў”, – дадалі ў Нацбанку.

Рэклама