Беларуску з наркотыкамі затрымалі ў Індыі — СМІ

Рэдакцыя Reform.news · 11 снежня 2025, 11:12

https://reform.news/be/belarusku-z-narkotykami-zatrymali-indyi-smi/

У індыйскім штаце Гоа падчас антынаркатычнага рэйду паліцыі затрымана грамадзянка Беларусі Інна Волкава. Затрыманне адбылося ў вёсцы Коргао ў ноч з 9 на 10 снежня.

Як паведамляе выданне Goemkarponn, па месцы пражывання беларускі знойдзена 933 грамы вадкасці, меркавана, дыметылтрыптаміну (ДМТ), 41 грам сырой драўнянай кары для экстракцыі ДМТ, 388 грамаў вадкага ДМТ і 8 грамаў сушаных грыбоў. Агульны кошт канфіскаваных рэчываў ацэньваецца ў 10 млн рупій (каля 11 тысяч долараў).

Узбуджаная крымінальная справа. Беларуска адпраўлена пад арышт. Высвятляецца, ці звязаная яна з больш буйной сеткай па вытворчасці і пастаўках ДМТ.