Беларускія піўзаводы ў 2025 годзе павялічылі выручку, з прыбыткам не ўсё адназначна

Рэдакцыя Reform.news · 20 мая 2026, 08:46

Беларускія піўзаводы ў 2025 годзе павялічылі выручку, аднак прыкметны рост прыбытку паказала толькі адно прадпрыемства.

“Лідскае піва” за мінулы год адсправаздачылася пра рост выручкі на 7,1% да 573,55 млн рублёў.

Яго чысты прыбытак вырас усяго на 0,2% да 75,67 млн рублёў.

Выручка “Аліварыі” павялічылася летась на 4,7% да 335,4 млн рублёў.

Чысты прыбытак прадпрыемства вырас на 39,5% да 28,92 млн рублёў.

“Крыніца” паказала найбольшы прырост выручкі. Яна павялічылася на 30,6% да 215,1 млн рублёў.

Чысты прыбытак прадпрыемства пры гэтым скараціўся на 3,7% да 12,5 млн рублёў.

Рэклама