Беларуса затрымалі за ўзлом крамы ў Варшаве

Рэдакцыя Reform.news · 12 лютага 2026, 16:24

https://reform.news/be/belarusa-zatrymali-za-zlom-kramy-varshave/

Грамадзянін Беларусі ўзламаў краму, каб скрасці грошы. Ад паліцыі ён хаваўся пад прылаўкам.

Паліцэйскі патруль у варшаўскім раёне Бемова звярнуў увагу на разбітае шкло ва ўваходных дзвярах крамы. Унутры пад прылаўкам хаваўся мужчына, які залез у краму, каб выкрасці наяўныя грошы, паведамляе паліцыя Варшавы.

Мужчыну затрымалі. У камісарыяце паліцыі было ўстаноўлена, што затрыманы — 32-гадовы грамадзянін Беларусі, які знаходзіцца ў Польшчы незаконна. Яму прад’явілі абвінавачанне ў крадзяжы са ўзломам і перадалі супрацоўнікам памежнай службы.