Беларуса затрымалі за перавозку мігрантаў у Латвіі

Рэдакцыя Reform.news · 11 лістапада 2026, 15:44

https://reform.news/be/belarusa-zatrymali-za-peravozku-migranta-u-latvii/

У Латвіі затрымалі грамадзяніна Беларусі, які перавозіў семярых мігрантаў у аўтамабілі, паведамляе памежная служба Латвіі.

Латвійскія памежнікі спынілі аўтамабіль Skoda ў Лудзенскім краі 10 лістапада. За рулём знаходзіўся беларус, а ў салоне і багажніку — сем чалавек без сапраўдных віз і дазволу на знаходжанне. Устаноўлена, што раней замежнікі незаконна перайшлі беларуска-латвійскую мяжу.

У дачыненні да беларуса распачалі крымінальную справу за незаконнае перамяшчэнне асоб праз мяжу.