Беларуса з падробленымі ўпакоўкамі для цыгарэт затрымалі ў Польшчы

Рэдакцыя Reform.news · 5 мая 2026, 21:44

https://reform.news/be/belarusa-z-padroblenymi-pako-kami-dlja-cygarjet-zatrymali-polshchy/

Супрацоўнікі польскай падатковай службы затрымалі два аўтамабілі, якія перавозілі падробленыя аксесуары для вытворчасці цыгарэт. Іх спынілі пры ўездзе з Літвы на польска-літоўскай мяжы, паведамляе Падаткова-мытная палата ў Беластоку.

Адным аўтамабілем кіраваў 49-гадовы грамадзянін Беларусі. У прычэпе яго аўтамабіля знайшлі 2 млн кардонных упакоўак для цыгарэт і амаль 500 рулонаў коркавых абгортак для фільтраў з таварным знакам вядомага тытунёвага брэнда.

У другім аўтамабілі, за рулём якога знаходзіўся 37-гадовы грамадзянін Румыніі, выявілі 3,6 млн падробленых кардонных упаковак для цыгарэт.

Агульны кошт нелегальнага тавару ацэньваецца ў больш як 1 млн злотых (275 тысяч долараў). Яго канфіскавалі і змясцілі на склад. Вадзіцелі грузавікоў дапытаны.