Беларуса дэпартуюць з Польшчы за парушэнні на дарозе

Рэдакцыя Reform.news · 17 снежня 2025, 12:00

https://reform.news/be/belarusa-djepartujuc-z-polshchy-za-parushjenni-na-daroze/

Грамадзяніна Беларусі за рулём грузавога аўтамабіля спынілі для праверкі недалёка ад беларускай мяжы. Ён прад’явіў падроблены транспартны дакумент. Высветлілася, што да гэтага ён ужо здзяйсняў і іншыя правапарушэнні.

У першай палове снежня супрацоўнікі паліцыі Цярэспаля спынілі грузавік з 25-гадовым кіроўцам-беларусам. Ён паказаў паліцэйскім транспартны дакумент, але высветлілася, што той быў падроблены, паведамляе паліцыя Бельска-Бялай.

Кіроўцу затрымалі і прад’явілі абвінавачанне ў выкарыстанні падробленых дакументаў. У залік будучых штрафаў у яго канфіскавалі наяўныя. Таксама высветлілася, што раней ён парушаў правілы дарожнага руху.

З улікам усіх абставінаў паліцыя звярнулася ў памежную службу з хадайніцтвам аб высылцы беларуса з Польшчы.