Беларусь перадала Польшчы манаха-кармеліта Гжэгажа Гавела, затрыманага ў Беларусі ў 2025 годзе па абвінавачанні ў шпіянажы.
«Сярод вызваленых — таксама затрыманы беларускім КДБ манах Гжэгаж Гавел», — напісаў у сацсетцы Х журналіст Radio Zet Марыюш Гершэўскі.
Пра затрыманне польскага манаха стала вядома ў верасні 2025 года. Беларуская прапаганда сцвярджала, што Гавел нібыта збіраў інфармацыю пра вучэнні «Захад-2025».
КДБ Беларусі і Агенцтва разведкі Польшчы правялі сёння абмен па формуле 5 на 5 на беларуска-польскай мяжы. Беларусь перадала Польшчы журналіста Анджэя Пачобута. Польшча выдала Расіі расійскага археолага Аляксандра Бутягiна. Малдова перадала Беларусі экс-супрацоўніка малдаўскіх спецслужбаў Аляксандра Балана, асуджанага за дзяржаўную здраду ў інтарэсах беларускага КДБ. Малдове таксама былі перададзены два супрацоўнікі спецслужбаў, затрыманыя ў Расіі.
