Фото: МИД
Беларусь і ААН падпісалі план супрацоўніцтва на 2026 год. Сёння міністр замежных спраў Максім Рыжанкоў сустрэўся з пастаянным каардынатарам ААН у Беларусі Расулам Багіравым і кіраўнікамі агенцтваў сістэмы ААН, прадстаўленых у Беларусі (ПРААН, ЮНІСЕФ, ЮНФПА, СААЗ, УВКБ ААН, МАМ).
План прадугледжвае рэалізацыю палажэнняў праграмы супрацоўніцтва ў галіне ўстойлівага развіцця на 2026–2030 гады, якую падпісалі ў канцы мінулага года.
«Суразмоўцы абмеркавалі перспектыўныя напрамкі супрацоўніцтва Беларусі і ААН у рамках рэалізацыі доўгатэрміновых нацыянальных прыярытэтаў, падкрэсліўшы ўзгодненасць Рамачнай праграмы супрацоўніцтва з нацыянальнымі стратэгіямі і планамі сацыяльна-эканамічнага развіцця Беларусі», — паведамілі ў МЗС.